http://search.deviantart.com/?q=by:maxspider&section=today deviantART RSS for by:maxspider en-us Copyright 2009, deviantART.com Tue, 15 Dec 2009 08:11:25 PST deviantART.com http://blogs.law.harvard.edu/tech/rss http://s.deviantart.com/minish/widgets/apple-touch-icon-precomposed.png http://maxspider.deviantart.com/journal/26748133/ http://maxspider.deviantart.com/journal/26748133/ Sat, 22 Aug 2009 05:23:29 PDT

Rules:
1. Post these rules.
2. Each tagged person must post 10 things about themselves on their journal.
3. At the end, you have to choose and tag 10 people and post their icons on the same journal.
4. Go to their pages and send a message saying you tagged them.
5. No tag-backs.

--------------------------

10 things about me ?? ... sounds a bit fun :

1- I love juice, I can even manage to live just on it

2- am a bit calm, but I would explode sudennly

3- I love my family, even if it means they could drive me crazy

4- computer & internet, this is the live

5- CG is my life, absolutely it would be with a cup of juice too

6- Egypt is in my blood, but am trying not to use this blood to feel better lately

7- loneliness, one of my best friends

8- am trying a lot, so don't take it serious from me

9- wanna die, but I guess am not ready yet

10- PROUDLY ... to be a muslim


am bussy now to search and tagg other, if you are interested, tagg urself

]]> ~maxspider http://maxspider.deviantart.com/journal/25788410/ http://maxspider.deviantart.com/journal/25788410/ Tue, 07 Jul 2009 03:45:28 PDT الجزء الرابع

[link]

]]> ~maxspider http://maxspider.deviantart.com/journal/23828260/ http://maxspider.deviantart.com/journal/23828260/ Sun, 22 Mar 2009 09:15:44 PDT
الجزء الثالث من ملحمة البحث والشقاء ... ناو أونلاين


إنجوي

[link]

]]> ~maxspider http://maxspider.deviantart.com/journal/23638896/ http://maxspider.deviantart.com/journal/23638896/ Wed, 11 Mar 2009 07:09:56 PDT
بحب فيها نيلها ونيلتها وأرضها

وهواها و قصبها وفولها وفلّها

وأحب فيها شعبها

بالطيبة والغيبة ... والنهب في أرضها

-----------------

بحبها؟ ... ده سؤال برضه يتقالي أو يتقالها ؟

ده أنا دايب في هوى هواها

وعايش عمري كله – إلا شوية – معاها

وصابر على قسوتها ومرها

وراضي بأكلها وطفحها

-----------------

أيوه فعلا بحبها ... من نخاشيش قلبي بقولها

بحبها ... وبحب فيها شمسها

وبحب سكانها ... ومواصلاتها .. والأقسام في كل شبر من أرضها

بحب المعاون

واللوا

والأمين والعسكري

والراجل المفتري

والسواق البلطجي

اللي بيلوث جوها

-----------------

بحبها رغم المختلس والمرتشي

والكداب والعربجي

وغصب عن كل حرامي

نازل نهب في عرضها

-----------------

لو في يوم أهمسلها

دانا أكتب شعر في حبها

وأطلع قلبي

وأعصره

وبدمه

أكتب سطور تهزها

أصرخ وأزلزلها

أبكي وأشكيلها

ومن بين دموعي

أسألها

ليه بترمي ولادها

ليه بتدمر بيتها

ليه بتبوظ حالها ؟

-----------------

ترد من بين حسرتها

وألمها وفجعتها :

منه له

اللي خربني

واللي نهبني

وساب ولادي

يلعنوا قرابتي

-----------------

مطيت شفايفي

هزت كتافي

عيطت دم

لطمت راسي

واديتها ظهري

ومشيتها حافي

-----------------

وفي النهاية

وأنا على سلم الطيارة

بقولها

سوري ... مضطر أهرب من حبها

عشان مبقاش في مكان لحبايبها

على أرضها

]]> ~maxspider http://maxspider.deviantart.com/journal/23452268/ http://maxspider.deviantart.com/journal/23452268/ Sat, 28 Feb 2009 14:00:48 PST
اتفضلوا ... بس بالدور


----------------

مواصلات السيد المسئول



في عام 2025 قررت "جمهورية بابا أوبح الفيدرالية" تطبيق قانون جديد, يقضي بإلغاء مواكب كل السادة المسئولين لدى الحكومة البابا أوبحية وسحب سياراتهم مع إبدالها بوسائل مواصلات عامة تساعدهم على الانتقال لمقار عملهم ...

وضج الجميع, واعتبر السادة المسئولون هذا القانون تقليلا من شأنهم واحتقارا من مكانتهم, لكن مجلس الشعب البابا أوبحي استغل هذا التصريح لإقرار القانون مقرا "إذا كان سيادتهم يعتبرون ركوب المواصلات نوعا من التحقير, فكيف يرضونه لمواطنيهم ؟ ... وإن كانوا يعتبرونه نوعا من الشرف, فلا يريد المواطن أن يستأثر بهذا الشرف وحده"
وهنا صدر القانون, وسكت المسئولون, وبدأ عصر مواصلات سعادتهم ...

قررت الحكومة تخصيص خطوط مواصلات مخصوصة من مواقف قريبة من سكن كبار المسئولين والوزراء تنطلق مباشرة إلى الهيئات الحكومية حاملة معها بعض المواطنين أيضا الذين يرغبون بالذهاب إلى هذه الهيئات لقضاء مصالحهم ...

--------------------------




وأصبح من المعتاد أن تمر ببعض المواقف التالية :
رئيس الوزراء مشيرا إلى أحد الميكروباصات : يا أسطى ... رايح حكومة ؟
الأسطى : أيوه سيادتك ... اركب بسرعة
الوزير: بسرعة ليه ؟
الأسطى: عشان في أمين جي بيلم الرخص ... خلص بقى

ويضطر رئيس الوزراء السمين إلى الجري لهثا وراء الميكروباص هو والاتنين بودي جارد برفقته, حتى تمكن أخيرا من الصعود , حاول الجلوس على أحد الكراسي, لكن يدا غليظة منعته , نظر الوزير ليجده وكيل وزراة الزراعة مانعا إياه وهو يردد :
- معلش سيادتك ... أصله محجوز
رئيس الوزرا : محجوز إزاي يعني ؟
الوكيل : حاجزه لسيادة وزير الزراعة يافندم, عشان هوه راح يفطر من عربية الفول اللي على الناصية وجي حالا
ردد رئيس الوزراء في سره : دي فكرة عبقرية بجد, هوه ده الاستغلال ولا بلاش ..
ثم مال على البودي جارد على يمينه :
- بقولك يا بسيوني
- أنا حسين سيادتك ... بسيوني الناحية التانية
- يا عم هي هتفرق؟ هوه أنا بنادي على نتيجة ثانوي ؟ ... المهم, فكرني لما أروح أقول لفهمي الوكيل بتاعي يبقى يحجزلي الصبح
- علاء ... اسمه علاء يافندم
برطم رئيس الوزراء بكلام مبهم عن الغباء والتعليم المجاني ... ثم عاد في حاله ليقرأ عدد ميكي ماوس الجديد ليستغل وقته فيما هو أفيد ...

--------------------------



وفي موقف آخر, وقف وزير الخارجية منتظرا الميكروباص الذي سيقله, لكن بمجرد أن جاء الميكروباص مناديا "جامعة الحلل ... جامعة الحلل" حتى انقض عليه الناس جميعا, كافح سيادته للوصول إلى الباب لكن الهجوم البشري منعه من ذلك ...
مواطن 1: إيه يا أستاذ ... متزقش
الوزير : أصل أنا عايز أركب يا جدعان
مواطن 2: مش تقول كده؟ ... أصل احنا جايين نجيب عيش
الوزير : انت بتهرج يا ذوق ؟
مواطن 2: أيوه ... بهرج حشيش

هنا تدخل البودي جارد بلكمة كالقنبلة كسر بها فك المواطن ثم أتبعها بلكمة هوت بمعدته إلى القاع قبل أن يختمها بروسية ورمت دماغه ..
الوزير : جدع يا بسيوني ... ربي الواد ده
البودي جارد: أنا مش بسيوني يا أفندم ... أنا "مرهم صبري"
الوزير: إيه ده؟ ... احنا يابن... ]]> ~maxspider http://maxspider.deviantart.com/journal/23393372/ http://maxspider.deviantart.com/journal/23393372/ Wed, 25 Feb 2009 05:02:13 PST

الكاميرا تدور في الشارع باحثة عن فرصة ما, المذيع يجول بنظره ... وقع نظره عليه, مواطن من الدرجة الأولى ... توجه إليه مع المصور الذي يعاني معه حر الصيف وبرد الشتاء والعمل المفتوح المخاطر مع المواطنين ... وصلا إليه ... وبدأ اللقاء ... اللقاء التاريخي

- أهلا وسهلا يا حضرة
نظر إليهما بشك واستنكار رادا :
- أهلا بيك ياخويا ... خير ؟
- احنا من برنامج "فكر تاني" ... وعايزين نسألك سؤال مهم

ابتسم الرجل بشدة مندفعا إلى نافوخه تلك الأحلام النجومية بظهوره على شاشة التلفزيون, وكيف سيقف أمام مراته ليخبرها بكل فخر أنه "نجم", وسيحترمه بلبل بلطجي الحارة , بل قد يتصل به "بيتر جاكسون" عارضا عليه دور الغوريلا في "كينج كونج 2" .... و ....

- يا إكسلانس ... انت معانا ؟؟؟
- إيه ؟؟؟ .... آه ... أيوه أيوه ... باردون
- باردون !!!! .... طيب يا خواجة ... ممكن نسألك "كويسشن"؟
- أكيد ... جو أهيد
- طيب نتعرف عليك الأول ؟
- واحد ... واحد مصري
- طيب ... انت .... بتحبها ؟ ........ بتحب مصر؟

أجفل الرجل .... اتسعت عيناه , اضطربت شفتاه, ... هل يقصدها ... مصر؟ ... تمتم كعاشق غدرت به حبيبته:
- بحبــ .... بحبها ؟ ...... إيه اللي بتقوله ده ... أنا دايب في دباديبها, عاشق لهواها, شارب من نيلها, حابب ....
- طيب ... طيب ... من غير أفلام ... بتحبها ليه ؟
- ليه ؟ .... إزاي يا باشا تقول كده ... ليه؟ ... دي مصر اللي اديتني كل حاجة , اللي عملتلي كل حاجة, متقولش مصر اديتني إيه , قول ...
- ... إديت إيه لمصر, عارفين الحورات الحمضانة دي ... بس احنا في البرنامج بنقولك فكرتاني ... هي اديتك إيه ؟
- كل حاجة, كل حاجة حضرتك
- زي ؟
سكت ... شخص ببصره يفكر, "صحيح, إديتني إيه؟" ... نقل بصره بين المذيع والمصور ومجموعة الناس التي اجتمعت حوله لعلها تظفر بفرصة للظهور في الصندوق العجيب ...
- بنقولك تاني .... إديتك إيه ؟
- مفيش اختيارات يا باشا ؟
نقل المذيع والضيف كليهما نظرهما لصاحب الصوت الذي أطل برأسه من وسط الزحام مطلقا هذا السؤال ... رمقاه بنظرة "من ساسه لراسه" ذهابا وعودة ... فانكمش بين الرؤوس الأخرى في خجل بينما عادت الحياة لطبيعتها أمام ا الكاميرا
- رد يا واحد يا مصري ... اديتك إيه ؟ ... اديتك شهادة ؟
- وثائق ومكتبات وربك يافندم
- ودي تشتغل بيها إيه ؟
- رف في مكتبة, جلدة في كتاب, دودة في موسوعة ... أي حاجة تأكل عيش ...
- واشتغلت إيه في الآخر ؟
- نقاش في حارتنا
- وبتعمل كام في الشهر ؟
- من 300 لحد 500 لحلوح
- بيقضوك ...؟
- أيوه ... بيقضوني أنا ... أكل وشرب ومواصلات ... التفكير في الجواز عيب, الرفاهية ممنوعة, الحاجة الساقعة بتدمر الميزانية
- طيب ... اديتك إيه بقى ؟؟؟

سكت ثانية ... أكيد هيه اديته حاجة, مش ده اللي بيقولوه على طول في الإعلانات والأغاني؟ ... بس صحيح, هوه كل ما كان يسأل كانوا يردوا : متقولش مصر اديتك إيه ... قول إديت إيه .... بلا ... بلا ... بلا
حاول الاعتراف ... هوه مخدش منها حاجة ... لكن نفسه أبت ... دي مصر :
- ربتني ... أكلتني زرعها ... شربتني نيلها ... سكنتني تحت سماها
- ليه ؟ ... مش انت اللي بتدفع حق الخضار؟ ... مش انت اللي بتكع فاتورة الميه؟ ... مش أبوك اللي طلعت عينه في قسط الشقة ؟
كاد أن يسكت ثالثة , لكنه قرر قلب الترابيزة :
- شكلك عميل ... أو من مخابرات دولة تانية ؟ ... انت مين ياض ؟
نظر له المذيع بثقة :
-... ]]> ~maxspider http://maxspider.deviantart.com/journal/22322498/ http://maxspider.deviantart.com/journal/22322498/ Thu, 01 Jan 2009 02:08:08 PST
واضح أن هناك عدد من الإسرائيلين قد بدأوا عمليات الاستفزاز هنا على الديفيانت
بداية من سرقة الأعمال حتى التعليقات السخيفة

أرجوكم يا شباب ... لا نريد أن نزيد عدد زيارات أعمالهم ... لا نريد حتى الرد عليهم
بل قد يكون معظمهم أساسا حسابات وهمية تعمل في خدمة الحرب النفسية ... لذا كل ردودك ستذهب سدى

ما يهمنا هو الرد على بعض الأجانب وغير العرب الذي قد يصدقوا هذا الهراء
رد عليهم ... أعطهم معلوماتك ... ضع لينكات لفيديوهات من اليوتيوب مثلا حتى يروها ... العديد منهم جاهل بالقضية

بإمكانك عمل بحث في اليوتيوب عن
gaza
وستجد بعض الفيديوهات من الجزيرة إنجليش

لو كانوا يريدونها حرب نفسية ... فلنجعلهم يتجرعون منها قبلنا

تنبيه
بعضهم أضافنا أصدقاء ... وهذا سيجعل حساباتهم ظاهرة في البروفايل الخاص بنا
لتجنب ذلك قم بعمل الآتي

اذهب إلى
edit settings & profile
من القائمة بجوار اسمك

في آخر الصفحة التي ستفتح ... ستجد قائمة باسم
Blocked Users

قم بإضافة الأسماء التي ترغب في منعها بدون الرمز الذي يسبق الاسم

لن يظهر هذا الحساب عندك مرة أخرى

بالتوفيق للجميع ... وتذكروا ضبط النفس وعدم الدخول في نقاشات عصبية أو تهديد لأي شخص أيا كان

]]> ~maxspider http://maxspider.deviantart.com/journal/22279429/ http://maxspider.deviantart.com/journal/22279429/ Tue, 30 Dec 2008 12:26:05 PST
كان اسمها ....
--------------



الزمان : أواخر 2018
المكان : القاهرة الجديدة – البرج الأمريكي السكني – الدور 304 - شقتي العزيزة

أسترخي على كرسيي الوثير, غائصا فيه حتى حلمات أذني, مستمتعا بنسمات التكييف الدافئة بينما اطالع إيميلاتي على اللابتوب الجديد ذي الشاشة الهولوجرامية, وبالتأكيد رفيق دربي, كوب النعناع, يحتل مكانه على مكتبي مذكرني بأيامي الماضية, أيام القشف ...

تحركت لأدفن نفسي في هذا الكرسي أكثر, وأنا أعلم كم تبلغ درجة الحرارة خارجا والقادرة على تحويل كوب من الأيس كريم إلى قطعة ثلج و ... أوه ... نسيت أن الأيس كريم مثلج بطبعه اساساً ...

أصوات صياح شقية تعلو خارج مكتبي, تهدأ الأصولات, ثم أسمع طرقات ضعيفة تذكرك بقطة صغيرة تخربش باب منزلك القديم طلبا للدفء, لحظات وفُتح الباب ليطل منه وجه ملاكي الصغير "سارة" ذات السبعة أعوام بابتسامتها التي تستطيع إذابة قلب رجل الجليد المجمد ... ضحكت ضحكة كبيرة, ضحكة واسعة أجزم أنها قادرة على إحداث زلزال شوق في نصف سكان القاهرة على الأقل ...

جرت نحوي لتقفز في أحضاني , تظاهرت بقتالها , أخذت ألاعبها رفعتها لأعلى :
" مين حبيب بابي"
" أنا"
" مين عايز ينط في حضن بابي ؟"
"أنااااا"
" مين عايز بوووووووووووسه"
" أنااااااااااااااااا"

اختلطت "أناها" مع كلماتي وأنا أدفسها في حضني مغرقا إياها بالقبلات ومزغزغا إيها حتى صاحت مفرفرة ضاحكة :
كفاية يا بابي ... كفاااااااية
ابتعدت عنها ضاحكا ... لعبت في شعرها بعبث وسط صرخاتها الطفولية بينما ....
"احم ... "
اعتدلت في سرعة متطلعا إلى "نيكول" , زوجتي الأمريكية , رامقة إياي بنظرات متوعدة ... فردت ظهري مصطنعا الحزم وأنا أقول لسارة :
خلاص يا سارة ... يلا بقى عشان تلحقي تذاكري

ضحكت سارة ضحكة خبيثة ... فهي تعلم من الآمر الناهي في هذا البيت رغم أعوامها السبع ... نزلت من على قدمي مسرعة خلف أمها التي غادرت الحجرة, لكن سارة توقفت, قبل أن تخرج , والتفتت إلي :
"بابي ... في حاجة شفتها على "جوجل" وأنا بعمل بحث الـ "هيستوري" بتاعي ... ومفهمتهاش"
ابتسمت وأنا أردد في نفسي : البت الخلبوصة ... وبقت تعمل مذاكرتها على جوجل, الله يرحم أيام كارت الفاكس والديال أب
"بابي ؟"
أفاقتني من تلك السرحة البسيطة :
"قولي يا حبيبتي... إيه اللي مفهمتوش"
"كلمة كده ... تقريبا اسم مدينة قديمة"
"اسمها إيه ؟"
"اسمها ... غــ ... غـــااا ... أيوه ... غزة"

غزة ؟؟؟
انتفضت كمن تلقى للتو 1000 فولت من الكهرباء سرت في جسده بغته, انتفضت كمن صب على رأسه إناء زيت مغلي , انتفضت ... كما لم أنتفض من قبل ...
تحركت يدي لا إراديا ... سقط كوب النعناع ... دوار شديد ... جعل رأسي كسندان يطرق عليها مطرقة من فولاذ ...

"بابي ؟؟؟ مالك ... في حاجة ؟"
أتطلع إلى سارة بعينين خاويتين, جسدي هربت منه الدماء, حلقي جف كصحراء لم يمسسها المطر منذ عقود, أصابعي ترتعش, نعم , ترتعش بشدة, لا أستطيع إيقافها وهي تنافس في سرعتها دقات قلبي المرتفعة وأصوات أنفاسي المتعاقبة ..
غزة ؟؟؟

"سارة ... كوم هير ماي بيبي"
صوت أمها ينادي عليها ولاتزال سارة في حالة قلق وخوف
اهتزت شفتاي, محاولتان قدر الإمكان رسم شبح ابتسامة وأنا أردد بصوت مبحوح :
"طيب يا سارة ... روحي كلمي ماما دلوقتي"
تطلعØ... ]]> ~maxspider http://maxspider.deviantart.com/journal/22028247/ http://maxspider.deviantart.com/journal/22028247/ Wed, 17 Dec 2008 07:52:30 PST
صدمت الجملة كل الحاضرين مع هذا الدخول المفاجئ للرجل ذي النسرين وأربعين نجمة ...
الكل تدلت أفواههم ساقطة إلى ما تحت مستوى البحر, اتسعت عيونهم كأحجار الرحى, تسارعت أنفاسهم كفيل يلفظ انفاسه الأخيرة من فتحة زلومة واحدة ...
كلهم ... صدموا ... إلا الريس ...

قام من مكانه برباطة جأش, اعتدل في وقفته متخذا وضعية أسد على وشك الخروج لصيد فريسته, أخذ نفسا عميقا يدل على التفكير ... ثم... نطقها:
"إذن أيها السادة ... إنها الحرب"

رد كبير مستشاريه في سرعة :
"وهنعمل إيه سيادتك دلوقتي؟"
رمقه بعيني صقير بارع الذكاء ... ثم رد :
" نزلوا الإعلان
(A - top secret)
في جرنان الأهرام"
"والأخبار يا ريس؟"
"لأ ... أنا عايز فئة معينة"
وانطلق المعنيون ... لإتمام الأوامر ...

------------------------

الأهرام 22/1/2009
إعلان يحتل الصفحة الأولى كاملة

" البلد محتجاك دلوقتي
تعلن وزارة الدفاع, عن حاجتها إلى مجموعة من الشباب الواعي المتفهم, لطرد العدو من أرض سيناء الغالية
يجب أن تتوفر في المتقدم الشروط التالية:

- يكون مقفل لعبة
Doom
من أول الجزء 1 لحد 5

- لعب كوماندوز 3 ليفيل هارد

- قدر يغلب خمس فرق
brutal
أو أكتر في
Red Alert
من غير ما يستخدم
cheating codes

- قدر يهرب من الشرطة 20 مرة متتالية في
Need 4 Speed : Under Cover

- التدرب على المناورة باستمرار في ساحات قتال
ٍStreetFighters

- عدى على الأقل 10 مراحل في
Sniper
من غيرخسارة

- التمرس في اللعب أون لاين على حد أقصى للسرعة 512

- استخدام
simulator
لطائرات الـ
F22
لمدة شهرين على الأقل

- فتح كل شفرات المحاربين في
Tekken

- يفضل الـ
Games Tester

على من تتوفر فيه هذه المواصفات,التوجه إلى أقرب مركز عسكري لتقديم أوراقه,وصور من شهادات الـ
online levels
لتحديد المستوى
easy - medium - hard
.... مع مراعاة تقديم إفادة بنوع الـ
plate form
الذي تستخدمه
PC - Xbox - Plastation ... etc

متنسوش يا ولاد ... مصر بجد المرة دي ... محتاجاكو
لو مرديتش عليها المرة دي ... ممكن متنامش في حضنها تاني

مع تحيات
وزارة الدفاع"


-----------------------------------

بعد أسبوع ... على قناة الجزيرة ... عناوين (شبه رئيسية:

"الجيش المصري يحقق اعلى نسبة
score
في تاريخ البلد"

"حصول وزارة الدفاع على
Weapons updates
جديدة لتقفيلهم
level
سيناء"

"العدو ينسحب ... بسبب انتها الـ
lifes
عنده"

" الجيش المصري يرفع العلم على سيناء منشدا النشيد البلدي
... Game Over"

]]> ~maxspider http://maxspider.deviantart.com/journal/21965003/ http://maxspider.deviantart.com/journal/21965003/ Sat, 13 Dec 2008 14:12:53 PST
امتحان الفصل الدراسي التالت - شعبة تهييس

----------------------------------------

السؤال الأول والأخير: اختر من بين الأقواص الحاجة الكويسة :

1- أول من اكتشف السجاير (إيسترن كومباني - المعلم عجوة - كشك عم سيد اللي جنب المدرسة - ألفريد نوبل

2- تقع مصر في (الحفرة - أفروكيا - جزر الفيونكة - بعد الشر عليها هيا وقعت امتى؟

3- الجرجير هو نوع من (المنشطات - المنبهات - المفرتكات - المعطيات

4- اكتشف نيوتن (الكاذبية - الاشتراكية - العلمانية - الملوخية

5- السكر عبارة عن (عيا وحش - حاجة حلوة - حاجة منملة - أخو الملح لزم

6- أعلى برج في العالم (برج نافوخي - برج السيدة نفيسة - سلسلة أبراج هريدي المتحدة - برج الحمام

7- يتوقف التوتر السطحي لسائل على (صعوبة الامتحان - حالته النفسية - مزاجه الخاص - جمودية أعصابه

8- حاصل ضرب متوالية عددية لخمسة أرقام زوجية هو (غرامة - سجن المؤبد - إعدام - احنا نروح القسم أحسن

9- أول من فاز بالماراثون كان (حرامي - نصاب - موظف - واحد متجوز

10- أشهر لغة على وجه الأرض هي (السيريلانكية - الفزدقية - الصعيدية - لغة الشوارع

--------------------------------------


شروط الامتحان :
- تترك الورقة كاملة بيضاء, كل من تسول له نفسه إنه يكتب ولو حرف واحد, هيعيد السنة.
- يمكنك الغش إذااستطعت أن ترضي المراقب, خودعة: غالبا سيجارة ستفي بالموضوع.
- يمنع منعا باتا الحل الأمين, واللي هيتعرف إنه مذاكر, هيتفصل من المدرسة.

مع تمنياتنا لكم بدوام الضياع

]]> ~maxspider http://maxspider.deviantart.com/journal/21891826/ http://maxspider.deviantart.com/journal/21891826/ Tue, 09 Dec 2008 01:12:50 PST
يوميات باحث عن عروسة

إن شاء الله تعجبكم

[link]

-------------------

للي مقراش بارت وان

[link]

]]> ~maxspider http://maxspider.deviantart.com/journal/21677799/ http://maxspider.deviantart.com/journal/21677799/ Wed, 26 Nov 2008 09:34:57 PST أتوبيس حبنا

كركر وفرفر ... أو نفض
إتس أول يور تشويس


[link]

for more :
[link]

]]> ~maxspider http://maxspider.deviantart.com/journal/20916177/ http://maxspider.deviantart.com/journal/20916177/ Fri, 10 Oct 2008 05:51:26 PDT
المهم تقراها ..... وتضحك

[link]

]]> ~maxspider http://maxspider.deviantart.com/journal/20755028/ http://maxspider.deviantart.com/journal/20755028/ Tue, 30 Sep 2008 07:18:14 PDT
سامحوني إن لم تأتي بمعنى مفهوم ^_^
---------------------------------

"وي آر جوينج تو داي"

نطق الرجل الانجليزي بالعبارة وهو يرتجف في خوف جعله ملاصقا لجسدي, بينما رائحة فمه الغارقة في البيرة تصل إلى أنفي المجبر على التنفس فتحيل حياتي جحيما ... نظرت إليه بتقزز بالغ وتسائلت في سري : طب عاملين فيها رجالة ليه من الأول ؟؟؟

تطلعت إليه ثانية ... كم هو مثير للشفقة ... لكنه بالفعل, إنجليزي ... حتى جلسته الخائفة لا زال فيها طابع الارستقراطية المعروف , بسيجارته التي لا تزال مشتعلة بين أصابع يده المرتجفة ... حتى نظراته الحائرة ... تحس فيها بــ "عز ابن الناس " المتربيين على الغالي ...

قطع حبال وأسلاك أفكاري صوت الرصاص المتطاير في كل مكان ... والذي أستطيع أن أجزم أنه قد صنع ثقبا في كل 3 مليمتر في تلك الصخرة التي نقبع خلفها ...

لحظات الجمود .... حينما يعدو كل شئ من حولك وتقف أنت مجمدا في زمانك ... لحظات التأمل ... يقترب الخطر لدرجة لا تحس معها بأي خطر ... غير احتمال لوجود صدمة من فاتورة الكهرباء القادمة لأن المدام أصرت على موضوع التكييف ... وعندما حاولت الاعتراض كانت سكينة بعمق 20 سم مغروسة في ذراعك ... هذا بالطبع لأن قصرها –المدام لا السكين- منعها من الوصول لرقبتك ...

صاروخ سكود آخر يقطع افكارك المسترسلة التي لن ينفع فيها أي خياطة ولو أتيت بعم حسن الرفا ذاته ... ولا يزال ذاك الوغد الانجليزي يزيد من تشبثه بذراعي مع كل صوت ناموسة يعبر من جواره ...

أزحته برقة شديدة طرحته خمسة امتار حتى أوشك على الخروج من خلف تلك الصخرة ... ثم فتحت جانب سترتي لأخرج "حسونة" الصغير ... تأملته ولمعان النيران ينعكس على اسطوانته الفضية ... وفوهته تكاد تزأر طالبة بالمزيد من الفرائس .. كم أحب هذا المسدس ذي الألف طلقة ... يسمح لي ببعض المتعة في هذه الأجواء المملة ...

ربت عليه بحنية ... وتأكدت أن عدد طلقاته كامل ... ألف طلقة ستسمح لك بالاستمرار في الضغط على الزناد دون مبرر ...

ابتسامة شيطان أحدب أفرج عنه للتو بعد رمضان ... شعور داخلي أسود باللذة ... وحش ثائر يود الخروج ليلتهم حلة محشي كاملة دون تكريعة واحدة ... قمت من مكاني ... التفت إلى الصخرة ... رفعت فوهة مسدسي ... ذاك الفافي الانجليزي يمسك بقدمي ... يكاد يقبل حذائي :

دونت دو إيت ... بليييز .... بليييييييييييييييييييز ؟؟؟

إزعاجه يمنعني من التركيز ... حسنا .. أنت تتخلص من الذبابة دائما لتكمل نومك ... أنزلت مسدسي إلى جبهته ... وتركت مكانا لعين ثالثة ... تبا ... أصر ذلك الوغد أن تجد دمائه طريقها إلى بنطالي ... أم العيال لن تسمح لي بدخول المنزل الليلة ... هذا إن عدت ...

حسنا ثانية ... عاد الهدو النسبي ... ما زال هناك بعض الضوضاء المنبعثة من الخلف ... رفعت مسدسي ... لتنطلق رصاصاتي في كرم شديد ...أحال تلك الصخرة الآن إلى مجرد رماد ... وانقشع ضبابها موضحاً الرؤية المبدئية لخبير مثلي ...

200 جندي مقاتل ... أربعون مركبة ذات مدافع طويلة المدى ... مروحيتين ... وأخيرا ذاك الروبوت ...

ما إن رأوني حتى توجهت الأسلحة جميعها نحوي ... إنني الهدف, إنني الغاية, إنني المنشود ... بإمكانهم أن يعيشوا ... أن يغرقوا في ثرواتهم حتى النخاع ... أن يعودوا... ]]> ~maxspider http://maxspider.deviantart.com/journal/20409205/ http://maxspider.deviantart.com/journal/20409205/ Tue, 09 Sep 2008 15:38:43 PDT
a new story I wrote lately for a literary competition ... hope you like it

[link]

read ... and I hope you will enjoy

]]> ~maxspider http://maxspider.deviantart.com/journal/19946568/ http://maxspider.deviantart.com/journal/19946568/ Thu, 14 Aug 2008 04:54:27 PDT
ممكن تقروها إن شاء الله على اللينك ده

[link]

باي فو ناو

]]> ~maxspider http://maxspider.deviantart.com/journal/16709182/ http://maxspider.deviantart.com/journal/16709182/ Sun, 03 Feb 2008 14:55:59 PST

خدت نفس عميق جدا جدا ... لدرجة إني حسيت إن خلصت الأوكسجين من البلد (قال يعني البلد لسه فيها حاجة مخلصتش ... ورجعت أركز عشان أقفل الشغل اللي في إيدي ...
خلصت بدري في اليوم ده ... وقفلت الجهاز وأنا بمني نفسي بسهرة لذيذة تشيل عني قرف الشغل ....

نازل من على السلم بهدوء وسلاسة وفرح وعبير وهبة وعبلة و ....

" يوسف ... يا يووووووووسف "

اتنفضت وأنا نازل وخدت خمس سلالم مرة واحدة على ركبي المبجلة
" ايه يا عم إسلام ... مش توطي حسك شوية"
لقيت إسلام بيقرب مني بسرعة وكأنه هيقولي على سر القنبلة الهيدروجينية وهوه بيوشوشني بصوت مبحوح ... مقدرتش أميز منه غير :
" فصل ... راح .. النت ... وقف"
حاولت أهديه وأعمل نفسي حنين ... رحت خابط على ضهره خبطة مرزبة توقع برج القاهرة ... وقولتله بكل حنية :
"انت ياله ... اتعدل كده وخد نفسك زي البني آدمين ... واكلم عدل عشان مش ناقصاك "

لكن باين إن الخبطة الخفيفة بتاعتي جابتله إنزلاق غضروفي حاد وهبوط في الدورة الدموية ... فجحظت عيناه ووقع على الأرض وهوه بيردد :
" النت فصل ... النت قطع ... احنا خلاص فينيتو "

طبعا آخر فيوز في دماغي كان فص ... رحت سايبه ومكمل السلالم بكل هدوء وسلاسة وفرح بس من غير عبير ...
نزلت تحت وركبت المواصلات وحطيت دماغي على دراع الراجل اللي جنبي, راح باصص بكل قرف وعادلي دماغي بكف محترم ... طبعا زي ما قلت دماغي مش ناقصة قرف, رحت مريح على الكرسي ومديها سيمفونية التشخير المشهورة ...

قلقت في السكة علي كلام من عينة :

"الظاهر الكلام ده حقيقي ... أنا معنديش نت"
"بيقولوا النت قاطع في مصر كلها "
" أنا سمعت إن في كابل عمومي اتقطع عند البحر"

بدأت أقلُّق ... يكونش الواد المنيل إسلام كلامه صح ؟؟؟

" أنا بقى عرفت إن في طبق طاير على شكل قصافة نزل البحر وقطع السلك"

آآآآآآآآآآآه ... كده بقى دول شوية عيال مهيسة ضاربين بانجو ....
رجعت أنام تاني , وللأسف الشديد ريحت على دراع اللي جنبي و ... طااااااااخ .... اتعدلت الناحية التانية

-----------------------------------------------------

وصلت البيت وأنا وشي وقفايا حمر من كتر التحويل .... ودخلت الشقة من غير ما أعبر حد وطيران على أوضتي
قفلت الباب وفتحت الشنطة أتأكد إن العدة معايا .... كيس دوريتوز الأزرق عائلي, لتر بيبسي , بنص جنيه حلاوة , لبانتين سمارة ...
طبطبت على الكيس بحنان أبوي يمتزج به شعور شيطاني بالنشوة والأنتصار والفرح والهناء وبالمرة العبير ... وقعدت الجلسة المقدسة قصاد الجهاز ....

شغلت الجهاز وحمل بكا سرعة ... فركت إيدي كمن ينوي فتح خزائن علي بابا أو فتحي بابا مش هتفرق ...
بصيت في الشاشة ... ولقيت أيقونة الفاير فوكس بتلمع قصادي بثعلبها البرتقاني الرائع ... رحت ناحيتها بالماويس وضغطت كلكتين واستنيت ....
قغدت أستمتع برؤية الموقع وهوه بيتحمل واللودينج بيعد تحت و .......

ERROR LANDER

ايه ده ؟؟؟؟؟؟؟؟؟؟؟ دعكت عينيا وبعدين النضارة وقريت تاني .... أول مرة أشوف العبارة دي ....
مممممم -عملت عبقري يعني- .... يمكن عشان عامل موقع جوجل default وهوه حاول يفتحه لقاه واقع ؟؟؟

قلت أجرب موقع الياهو .... قعد يحمل ويلود و ...... ERROR LANDER

إيه ده ؟؟؟ ... طيب موق... ]]> ~maxspider http://maxspider.deviantart.com/journal/16199326/ http://maxspider.deviantart.com/journal/16199326/ Tue, 01 Jan 2008 03:23:49 PST
فاصل قمت بعمله لقناة فضائية عن قيام الليل ... ضمن سلسلة تسمى وذكر

[link]

]]> ~maxspider http://maxspider.deviantart.com/journal/15997391/ http://maxspider.deviantart.com/journal/15997391/ Wed, 19 Dec 2007 08:11:47 PST etfarg 3la elshabab ... homa dol shabab masr ....

[link]

.
.
.
.
.
.

^_^

]]> ~maxspider http://maxspider.deviantart.com/journal/15791180/ http://maxspider.deviantart.com/journal/15791180/ Tue, 04 Dec 2007 09:54:56 PST
ya .. my two brothers are now here with me on deviant art .
check both of their galleries ... am sure you will find some thing or two you will love -Insha Allah- ................... I hope so

ok ... the first one is my work mate, best friend, talent artist .... and of course my brother ... Muhammed Eltelpany ^_^

[link]

the second and the youngest one ... and the most active ... and .... I guess also my brother .... Osama Eltelpany

[link]

thanks guys for reading ... and more of our family will come soon -insha allah-
there is my little sister 10 years old and she used to make some islamic designs with photoshop ...

Be care .... we r coming

]]> ~maxspider